曾媽去左北京遊，午餐無飯帶，所以同同事出去食MOS BURGER。間唔中咁多人一齊食飯，食完行下街，真係好開心~

發現又出左新包包 - 白鱈魚漢堡。味道同佢0既標語所講"簡單就是最好"前半PART 好吻合，但唔係最好，真係簡單過龍。

做飛素先去食想試好耐0既芥末魚柳飽，順便食埋脆魚手指

芥末魚柳飽 - wasabi 味好強，好幾次食到差D標眼水。

脆魚手指 - 不吃也罷 。

今日試食左，我同肥食一個四拼 $54 (美國穀飼牛、蟹籽蝦滑、豚肉、清酒醉雞)，再加多個烏冬 $6、凍飲 $10，埋單價 $70，兩個減肥人士食份量才剛好，快餐店黎講都幾貴....

湯底唔覺有牛奶味，但係有好香0既南瓜味道。個四拼無乜驚喜，最正係埋尾"6"個烏冬，加埋個湯一齊食GOOD。

美心MX日式Shabu Shabu和味火鍋 粉墨再登場
選用日本原裝進口「北海道牛乳」配南瓜蓉做湯底，幼滑香甜，嚴選美國穀飼牛及蟹籽蝦滑，配搭豚肉、清酒醉雞及其他精選材料，鮮味無窮。更備另外兩款火鍋湯底 ─ 北海道牛乳地獄及豬骨湯底選擇，滿足人客不同口味，創意無限，滋味滿分。

售價：
$52-54

供應時段：
晚市

推廣分店：
全線美心MX

今次飯局由苗老闆帶隊，引領荃灣八友入流浮山食海鮮。   總結：搵唔到有野唔好食，連餐前花生都好脆呀！！

KaLoLo 同我都係咁為食，次次係都係為食野而出黎，每次話題都係講下一次係食乜野，今次我地就試下開飯網TST區長期第一位好時沙嗲。

位處一個你見到跟本唔會行入去0既商場 - 好時中心，商場設計仲保留左70'S 0既味道。

沙嗲魚好香，但一D都唔香辣，愛好辣的我都覺得好好食，可能佢要適合所有人0既口味喇，order 時都諗唔到係成條上。

串燒好好味，我同KaLoLo都係好鍾意食埋佢D青瓜，眼見好多枱都唔食青瓜，真係唔識食~!!

星洲炒蘿蔔糕，多人去食就一試無妨，蘿蔔糕係一舊無味的粉，KaLoLo話好難食，我就覺得可接受，但係好濟。

薄餅唔講了，如圖所述。

熱愛花園街的我，熱愛金魚街的你，

愛上網的我，愛睇馬的你。

紅公仔照過馬路的我，堅持綠公仔先過的你。

想做就做的我，深思熟慮的你。

愛撒嬌的我，臭脾氣的你 。

懶惰的我，積極的你。

兩年的相處，你忍受著我的懶惰，我忍受著你的臭脾氣，仿似沒相同之處。

但其實相同是我們都會忍讓、珍惜、了解對方。

沙律太大碟了，兩個人去食唔晒，內有好多蟹肉，麻醬味道剛好，有半份order 就好了，意大利飯都好入味。

洋蔥湯完全唔岩我口味，我同肥都覺得好難飲(唔知點形容)，事後問蜜蜂佢話係咁樣味，真係唔識欣賞。

位置太逼，係門口排隊好亂，派飛會好D。

詳情按-->Simplylife Bakery Cafe

真係藍威寶都洗唔到.....

我靠各同事努力，成功換取文具一份~ 好可愛呀~

睇完場地後，去食峰壽司，因為我地6:30就食飯，無人排隊~正。

仲有個Food Court 個名叫"大食代"真係好好笑~!!

今日假期，同肥去睇下註冊場地，上網睇左有兩間我覺得都幾好0既，由於最耐歷史0既伊甸園劣評如潮，連用過伊甸園娜奧米都話唔得，即時OUT。

2in1 佳偶天城  -  入面真係好靚，但係出面環境真係唔多好，又無地方影相。

世紀見証 - 場地ma ma(可以話係唔靚)，但配套一流，門口有下車處，行出少少有個海豚公園勁靚又有海景，隔離行一條橋就九龍公園，可以影靚靚婚紗照。

詳情請按 --> 2 in 1 佳偶天城

詳情請按 -->世紀見證 - Century Wedding

今次我有份設計GA 

我同肥都覺得今次真係好好睇~~

牛肉十元一碟，二位限叫一碟，睇上去賣相唔錯。

有一樣新奇野叫"炸腐皮"一個個卷咁上，濕一濕水就食得，因為超過兩秒會爛開夾唔返，味道唔錯，但係好油。

炸魚皮一塊直不LUNG好似薯片咁，好得意。

食完仲會有生果Free 俾你食，有樽話梅粉，曬落D西瓜度食，好新奇~

去完哈囉喂，一行人去深水PO搵野食。

又潘BA帶路，黎到劉森記。

我點了蝦子撈麵，D麵真係好正，聽講話係手打竹昇麵，好彈牙，牛丸都好好味，

試了一點同事點的炸醬麵，不太好吃，暗自開心自己無揀。

仲有舊式麵舖先有0既酸蘿蔔，食幾粒打開個胃先，好有風味~ 一流~!!!

詳情請按 -->劉森記麵家

又到一年一度員工大型福利，今年仲加埋哈囉喂。但係我地要由荃灣過香港仔，去到都8:30PM，玩得兩個鬼屋0乍...。

一大班人玩真係開心呀~