今日 Lunch 走左去荃新天地食"摩斯蝦漢堡"，因為有幾個同事一致好評，我揀左芥辣沙律醬，咬開入面全部都係蝦，加理我愛0既芥辣沙律醬，正~

今日帶肥去睇我上網看過好喜歡0既 wedding band 順便試上手 feel 下，睇過實物仲靚過係網睇，肥都話OK，雖然無買到，但都叫開始有D眉目喇，行過金舖肥仲賣左 engagement ring 俾我，真係好興奮呀~~

之後去 FranceBridal 睇婚紗相，因為訂酒席時送左張贈卷俾我地，咪去八下0羅，因為我地已經BOOK左下年三月會返國內影相，所以入舖前我好堅決同肥講唔會加多過$2K影多輯，一問最低個PLAN都要加~$4K，咁我唔YO佢喇，正當我諗緊點撤退，肥竟然打個 signal 話 YO 佢，我緊係開心LA可以影多輯喎，不過今日洗左咁多錢，D肉難免會赤赤痛，但肥話影多輯保險D，多謝你呀肥~!!!

總結 ：今日開心指數爆燈呀。

關媽到訪，肥一早就話要整燻雞，佢睇完有一集蔡瀾逛名菜，蔡瀾教觀眾點樣自己燻食物，只要放D茶葉、米同糖就得喎。但係肥話怕整 DIRTY 隻煲，適逢中秋，竟諗到用月餅盒黎燻。

仲有大家都讚好0既炸米粉。

今日要OT，9:30PM收工後到左近期公司熱去0既荃新天地。

今次選擇左和樂居食屋，成班人食野好開心呀~

睇餐牌時發現有一SET飲品叫 "Chu - Hi" ，笑死。

今次化妝師叫 Maggie，我上網睇過佢個 blog 真係好岩我心水，我約佢試妝時佢話得今日十二點先得閒，但為左試我心儀0既化妝師早點起床都無計喇。

Maggie 話幫我試兩妝兩頭，佢見整完下一個客都未黎，仲SET多一個頭俾我睇~

三頭兩妝我都好喜歡，留意有張相只係化左一隻眼，大左幾多。

最後緊係 confirm 要 Maggie 喇~!!!

多謝肥兩日都唔怕悶，坐定定係隔離等我，仲要等成兩個幾鐘，又幫我影下花絮，正所謂出錢又出力呀~!!

仲諗住試完妝可以行下街先回家食飯，點知試左3個幾鐘。

化妝師Carmen，好有心機幫我化妝。

過多兩日就要試第二次了，到時又攪掂一樣野喇~~

今日約左去三點鐘係紅磡試化妝，去前緊係要上 OPEN RICE 睇下有乜好食喇。 首選 時新快餐店，去到爆多人條隊勁長，所以去左次選 上海飽餃店 。

點了小籠包、花素蒸餃、菜肉蒸餃、蔥油餅、豆漿 & 豆沙包，前三樣都係即叫即蒸，好好食，尤其係小籠包。豆沙包就有點失望了，凍冰冰，包皮仲硬掘掘。

環境都唔知係唔係玩簡約，廚房幅牆睇到D磚，環境簡陋地方細又污糟，仲有D蚊飛來飛去，但係有咁好食0既餃子同小籠包，最多下次食完快D閃。

我今年係最早到仲攞埋位。

媽咪仲話20號要黎大圍打麻雀，因為老豆要過澳門玩，媽咪怕悶呀~~

肥話已經諗定到時又整D新野食，好緊張呀~

見到廣告話5秒買出一枝，Soup 買左又話好用，行左好多間萬寧、屈人寺都買晒，最後係大圍搵到，即買(又亂駛錢)。 

今日去抽血加打針，護士問我打先OR抽先，我好緊張反應唔到，我話：「打針先，都係唔好，抽血先，打...抽.....呀.....我好亂呀....」，最後護士好淡然咁講左句：「我拆左盒LA，不如打針先。」，我諗佢每日都見唔少咁0既狀況，一句解決左，E D就係經驗。

下個月仲要打第二枝針，一共要打三枝.... 

先去夏麵館食完野，然後拿拿淋行去戲院，一路跟住標箭咀行，哇~! 商場咁大0既我心諗，行左好遠都未到，攪到遲左幾分鐘入場。

返到屋企上網睇下個商場平面圖，好奇下究竟有幾大，

一睇，唉...... 被騙了，原來係隔離，俾D箭咀呃左兜左個場一圈。 >.<

零分劇情，十分特技。

講返套戲，開頭睇到好暈，對眼好辛苦，入到地心後適應左就無咁辛苦。食人花同食人魚真係好立體，真係想飛出黎咁，令我諗起旺旺小小酥0既廣告。

劇情可以話係無聊，三個主角都係不死人，好在一早對劇情無乜期望，2D版真係唔好入場。

H行都係前，下次有機會睇買後多幾行先得。